nato bélarusiye bilen rusiyege qoshumche émbargolarni yürgüzüshi mumkin

türkiye awazi radiyosi xewiri: nato bash katipi stolténbérg engliye ziyariti jeryanida bash wezir boris jonson bilen ortaq axbarat élan qilish yighini ötküzdi.

u bélarusiye hökümitige qarshi chiqirilghan émbargolarning ijra qilinishi kéreklikini bildürüp, nato döletlirining téximu köp émbargo yürgüzüshi yaki yürgüzmesliki üstide izdiniwatqanliqlirini we ryanayir ayropilanining mejburiy qondurulushi mesilisining nato aliy rehberler yighinida muzakire qilinidighanliqini qeyt qildi.

u rusiyening bélarusiye bilen yéqin munasiwetlerde ikenlikini tilgha aldi we qoshumche tedbirlerning rusiyenimu öz ichige alidighanliqidin bésharet berdi.

engliye bash weziri boris jonson 2018-yili martta salisburi shehiride yüz bergen ximiyelik hujumdin kéyin, nato döletlirining engliyeni qollighanliqini xatiriletti.

boris jonson u waqitta rusiye diplomatlirining chégradin qoghlap chiqirilghanliqini bildürüp: «tor hujumi tehditliri we bezi ezalirimiz hazirmu hés qiliwatqan her xil qorqutushqa qarshi özimizni qoghdash we mudapie üchün birlikte tirishiwatqanliqimizdin xatirjem bolushni xalaymiz» dédi.

bash wezir boris jonson nato döletlirining mejburiy qondurulghan ayropilanda qolgha élinghan öktichi zhurnalist roman protaséwich        (Roman Protaseviç) we uning qiz dostining qoyup bérilishini kapaletke ige qilish meqsitide, bélarusiyege bésim qilish üchün birlikte tirishidighanliqlirini tekitlidi.

nato aliy rehberler yighini 14-iyun (2021) bélgiye paytexti biryusséldiki nato merkizide ötküzülidu.