нигерийәдә гөрүгә тутуп кетилгән 14 оқуғучи қойуп берилди

нигерийәниң кадуна өлкисидә 20-апрелда қораллиқ унсурлар бир хусусий университеттин гөрүгә тутуп кәткән 14 оқуғучи қойуп берилди.

1648231
нигерийәдә гөрүгә тутуп кетилгән 14 оқуғучи қойуп берилди

түркийә авази радийоси хәвири: кадуна өлкилик ички бихәтәрлик вә ички ишлар комиссари самуел аруван йешил мәйдан хусусий университеттин тутқун қилинған 14 оқуғучиниң қойуп берилгәнликини елан қилди.

аруван уларниң қандақ қойуп берилгәнлики тоғрисида мәлумат бәрмиди, оқуғучиларниң аилисигә тапшуруп берилгәнликинила уқтурди.

қораллиқ унсурлар 20-апрел йешил мәйдан хусусий университетиға қилған һуҗумида 19 оқуғучини тутқун қилған болуп, бу оқуғучилардин 5 нәпириниң җәсити 23-апрел мәктәп әтрапидин тепилған иди.

кадуна өлкә валийси насир әһмәд әл руфаий оқуғучиларниң қойуп берилиши бәдилигә тәләп қилинған төләмни бәрмәйдиғанлиқини елан қилған иди.



مۇناسىۋەتلىك خەۋەرلەر