xitay sahil bixeterlik paraxotliri yaponiyening déngiztewelikige kirdi
xitayning 4 sahil bixeterlik paraxoti sherqiy xitay déngizidiki talash – tartishliq «sénkaku arili» etrapida yaponiyening déngiztewelikige kirdi.
türkiye awazi radiyosi xewiri: okinawa ölkisining naxa nahiyesidiki 11 – rayonluq sahil bixeterlik qomandanliq ishtabining bildürüshiche, xitaygha ait sahil bixeterlik paraxotliri, yaponiyening déngiztewelikige kirgen. jümlidin bügün tang seherde shu jay waqti saet 3 etrapida talash – tartishliq «sénkaku arili» etrapida aylanghan xitaygha ait 2 paraxot, rayondiki «uotsuri arili» ning 20 kilométir shimaligha yéqinlashqan.
etigen shu jay waqti saet 9 etrapida, xitaygha ait yene 2 paraxot rayongha kélip, etrapta ayliniwatqan bashqa paraxotlargha qoshulghan.
yaponiye sahil bixeterlik qomandanliq ishtabining rayonni terk étishi üchün agahlandurushi netijiside, xitaygha ait paraxotlar, etigen saet 11 etrapida rayondin ayrilghan.
yaponiye döletlik radiyo - téléwiziye orgini (NHK) ning xewer qilishiche, xitay paraxotliri, talash - tartish «sénkaku arili» etrapida bu yil 18 – qétim yaponiyening déngiz tewelikige kirgen.
xitayda 1 – féwral küni ijra qilinishqa bashlighan qanun, mezkur déngiz tewelikliride xitayning sahil bixeterlikige tehdit shekillendürgen we qanun – belgilimilerge xilapliq qilghan chet el paraxotlirigha qarshi qoral ishlitish hoquqi béridu.
sherqiy xitay déngizidiki yaponiye «sénkaku», xitay bolsa «dyawyü» dep ataydighan taqim arallar, 5 aral we 3 qiyaliqtin teshkil tapidu.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.