пәләстин бирләшкән дөләтләр тәшкилатиниң қараридин хурсән икәнликини билдүрди

түркийә авази радийоси хәвири: пәләстин ташқи ишлар министирлиқи тәрипидин, бирләшкән дөләтләр тәшкилатиниң исраилийәниң кишилик һоқуқ дәпсәндичиликлирини тәкшүрүш үчүн мустәқил хәлқаралиқ тәкшүрүш комитети қуруш қарари һәққидә елан қилинған йазма байанатта, вәзипилиригә һөрмәт қилидиған дөләтләрниң кишилик һоқуқ кеңишида ишқа ашурулған авазға қойушқка қатнишиши вә буниң нәтиҗисидин хурсән икәнлики, бирақ исраилийәниң комитет билән һәмкарлиқ орнитишни халимайдиғанлиқи билдүрүлди.

исраилийәгә қарши қанун лайиһәси, 9 ға қарши 24 аваз билән қобул қилинди, 14 дөләт аваз бериш һоқуқидин ваз кәчти.

австрийә, булғарийә, камерон, чехийә, германийә, малави, маршал тақим араллири, әнгилийә вә уругвай қанун лайиһәсигә қарши беләт ташлиған дөләтләр болди.

қобул қилинған  қанун лайиһәси арқилиқ, шәрқий қуддусниму өз ичигә алған ишғал астидики пәләстин терротерийәлиридики вә исраилийәдики кишилик һоқуқ дәпсәндичиликлирини тәкшүрүш үчүн дәрһал хәлқаралиқ мустәқил тәкшүрүш комитети қуруш қарарлаштурулди.

кишилик һоқуқ кеңишиниң башлиқи фиҗилиқ назһат шамем хан тәрипидин тәйинлинидиған мустәқил тәкшүрүш комитетиниң әзалири, қанун лайиһәсигә асасән, исраилийәниң башланғучтин 2021-йили 4-айниң 13-күнигичә болған барлиқ хәлқаралиқ кишилик һоқуқ дәпсәндичиликлири һәм суйиистемал қилмишлирини тәкшүриду.

буниңдин башқа йәнә, миллий, етник, ирқй, йаки диний кимликкә асаслинилидиған системилиқ айримчилиқ вә бесимниму өз ичигә алған мәвҗут сүркилишләр, муқимсизлиқлар вә тоқунушларниң сәвәблири көздин кәчүрүлиду.