نېتانياھۇ بىرلەشكەن دۆلەتلەر تەشكىلاتىنىڭ قارارىغا نارازىلىق بىلدۈردى

تۈركىيە ئاۋازى رادىيوسى خەۋىرى: نېتانياھۇ، ئاممىۋى ئورتاقلىشىش تور بېتى Twitter سەھىپىسىدە ئېلان قىلغان باياناتىدا، بىرلەشكەن دۆلەتلەر تەشكىلاتى كىشىلىك ھوقۇق كېڭىشىنىڭ مۇستەقىل خەلقئارالىق تەكشۈرۈش كومىتېتى قۇرۇش قارارىنىڭ، كېڭەشنىڭ «ئىسرائىلىيەگە قارشى پوزىتسىيەسىنىڭ يەنە بىر مىسالى» ئىكەنلىكىنى،  كېڭەشنىڭ بۇ قارار ئارقىلىق قامال ئاستىدىكى غەززە رايونىدا پائالىيەت ئېلىپ بېرىۋاتقان پەلەستىنلىك تىركىشىش گۇرۇپپىلىرىنى ئاقلىغانلىغانلىقىنى، بۇ قارار ئارقىلىق «خەلقئارا قانۇننىڭ مەسخىرە قىلىنغانلىقى» نى ئىلگىرى سۈردى.

بىرلەشكەن دۆلەتلەر تەشكىلاتى كىشىلىك ھوقۇق كېڭىشى، ئىسرائىلىيەنىڭ كىشىلىك ھوقۇق دەپسەندىچىلىكلىرىنى تەكشۈرۈش ئۈچۈن دەرھال مۇستەقىل خەلقئارالىق تەكشۈرۈش كومىتېتى قۇرۇش قانۇن لايىھەسىنى قوبۇل قىلغانىدى.