xelqara puqralar awiatsiye teshkilati «mejburiy qondurulghan» ayropilan weqesini tekshüridu

türkiye awazi radiyosi xewiri: xelqara puqralar awiatsiye teshkilati — (ICAO, aténa- wilnyus arisida qatnawatqan bir yoluchilar ayropilanining paytext minsikigha «mejburiy» qondurulup, ayropilandiki bélarusiyelik bir öktichi zhurnalistning nazaret astigha élinishigha chétishliq weqe üstidin tekshürüsh élip bérishni bashlaydu.

xelqara puqralar awiatsiye teshkilati, qarmiqidiki 36 döletning wekillirini yighip, Ryanair ayropilanining 23 – maydiki mejburi qondurulushi weqesini muzakire qildi.

yighindin kéyin élan qilinghan bayanatta, bu «kishini chöchütidighan» weqening xelqara awiatsiye qanuni chikago ehdinamisining 55- maddisidiki belgilime boyiche xelqara awiatsiye qanunigha xilapliq qilinghan- qilinmighanliqining tekshürülidighanliqi otturigha qoyuldi.

birleshken döletler teshkilati (b d t) bash katipi antoniyo gutérrés, b d t xewpsizlik kéngishidiki yawropa döletliri bilen amérika qoshma ishtatliri xelqara puqralar awiatsiye teshkilatini bu weqeni tekshürüshke chaqirghanidi.