yawropa ittipaqi süriyediki saylamning qanunluq emeslikini jakarlidi

yawropa ittipaqi süriyede ötküzülgen atalmish saylamning héchqandaq démokratik qaidige uyghun kelmeydighanliqini bildürdi.

1646755
yawropa ittipaqi süriyediki saylamning qanunluq emeslikini jakarlidi

türkiye awazi radiyosi xewiri: yawropa ittipaqi süriyede ötküzülgen atalmish ​​saylamning héchqandaq démokratik qaidige uyghun kelmeydighanliqini, dölettiki saqliniwatqan mesililerning hel qilinishigha töhpe qoshmaydighanliqini we chare izdesh yolidiki tirishchanlargha ziyan yetküzidighanliqini bildürdi.

yawropa ittipaqi tashqi munasiwetler we xewpsizlik siyasetliri ali wekili josép borrél bayanat élan qilip, süriyediki saylamning heqiqiy siyasiy jeryan dairiside hemde birleshken döletler teshkilati xewpsizlik kéngishining 2254- nomurluq qararigha asasen élip bérilishi kéreklikini otturigha qoydi we sözini dawamlashturup: «saylam peqet yurt – makanidin ayrilip qalghanlar, musapirlar we chet ellerdiki barliq süriyelikler bixeter we biterep muhitta erkin we adil siyasiy riqabetke qatnashsila ishenchlik saylam bolidu» dégenlerni qeyt qildi.

tünügünki atalmish ​​saylamning süriye mesilisige hel qilish charisi tépish tirishchanliqigha buzghunchiliq qilghanliqini tilgha alghan borrél: «bu saylam süriye hakimiyiti bilen xelqaraning normallishishini kapaletke ige qilalmaydu» dédi.

birleshken döletler teshkilati xewpsizlik kéngishining qararigha perwa qilmighan beshshar esed hakimiyiti, 10 yilni arqida qaldurghan ichki urush muhiti we xelqning yérimidin köpreki yurt – makanidin ayrilip qalghan hazirqidek sharaitta, özining kontrolluqi astidiki rayonlarda ikkinchi qétim atalmish pirézidéntliq saylimi ötküzgenidi.


خەتكۈچ: #saylam , #yawropa , #süriye

مۇناسىۋەتلىك خەۋەرلەر