ئامېرىكا قاتارلىق بەش دۆلەت سۈرىيەدە ئۆتكۈزۈلىدىغان سايلام توغرىسىدا بايانات ئېلان قىلدى
ئامېرىكا، فىرانسىيە، گېرمانىيە، ئىتالىيە ۋە ئەنگلىيە قاتارلىق دۆلەتلەرنىڭ دىپلوماتىيە مىنىستىرلىرى بۈگۈن سۈرىيەدە ئۆتكۈزۈلىدىغان سايلامنىڭ ئادىل ۋە ئەركىن مۇھىتتا ئىشقا ئاشمايدىغانلىقىنى، شۇنداقلا ھېچقانداق قانۇنىيلىقى يوقلۇقىنى بىلدۈردى.
1645799
تۈركىيە ئاۋازى رادىيوسى خەۋىرى: ئامېرىكا تاشقى ئىشلار مىنىستىرلىقى ئېلان قىلغان بىرلەشمە باياناتتا: «فىرانسىيە، گېرمانىيە، ئىتالىيە، ئەنگلىيە ۋە ئامېرىكانىڭ دىپلوماتىيە مىنىستىرلىرى بولۇش سۈپىتىمىز بىلەن، 26- ماي سۈرىيەدە ئۆتكۈزۈلىدىغان پىرېزىدېنتلىق سايلىمىنىڭ ئەركىن ۋە ئادىل بولمايدىغانلىقىنى ئېنىق ئوتتۇرىغا قويىمىز. ئەسەد ھاكىمىيىتىنىڭ بۇ سايلامنى ب د ت خەۋپسىزلىك كېڭىشىنىڭ 2254 – نومۇرلۇق قارارىنىڭ رامكىسى سىرتىدا ئۆتكۈزۈشنى قارار قىلىشىنى رەت قىلىمىز» دېگەن ئىبارىلەرگە ئورۇن بېرىلدى.