ghezzede shéhit bolghanlar sani 253 ke yetti

türkiye awazi radiyosi xewiri: pelestin puqrawi qoghdinish etriti xadimlirimu xan yunusning sherqidiki xarabiliklerning astidin hujumlar esnasida shéhti bolghan töt kishining jesitini chiqardi.

ghezzediki pelestin sehiye ministirliqi yazma bayanat élan qilip, eng yéngi uchurlarni qoshqanda israiliyening ghezzege qaratqan hujumlirida shéhit bolghanlar sanining 253 ke yetkenlikini, bularning 66 nepirining balilar, 39 ining ayallar ikenlikini bildürdi.

israiliyening muhasirisi astidiki ghezzege 10 – mayda bashlighan hujumliri, pelestin islamiy qarshiliq körsitish herikiti – hamas bilen hasil qilinghan urush toxtitish kélishimige asasen 21 – may shu jay waqti saet 02:00 de axirlashqanidi.

yene bir tereptin, ishghal astidiki gherbiy qirghaqning ramallah shehiride «mustaribin» dep atilidighan israiliye puqrawi saqchilirining oqida yarilanghan bir pelestinlik yash hayatidin ayrildi.

elemari musapirlar lagérida turidighan bir pelestin puqrasigha oq chiqirilghanliqi we u kishining jénidin ayrilghanliqi bildürüldi.

israiliye eskerliri, ishghal astidiki gherbiy qirghaqtiki talmon yehudiy olturaq rayonigha yéqin jayda yoldin ötüp kétiwatqan 16 yashliq bir balining israiliye aptomobillirigha tash atqanliqi ilgiri sürülüp oqqa tutulghanliqi, mürisidin yarilanghan yashning balnistqa élinghanliqi, salametlik ehwalining yaxshi ikenliki bildürüldi.

israiliye saqchiliri ishghal astidiki quddusning shimaligha jaylashqan beyt hanin baziridimu 10 yashliq bir pelestinlik balini nazaret astigha aldi؛ neq meydandiki ehwallarni körgüchilerning bildürüshiche, mezkur bala xéli uzunghiche saqchi aptomobiligha solap qoyulghandin kéyin qoyup bérilgen.

pelestin balining nazaret astigha élinish sewebi toghrisida melumat bérilmidi.