blinkén israiliyede

amérika qoshma ishtatliri tashqi ishlar ministiri antoni blinkén israiliye bilen hamas otturisida hasil qilinghan urush toxtitish kélishimini qollash üchün chiqqan ottura sherq ziyariti dairiside tél awiwgha yétip bardi.

1645146
blinkén israiliyede

türkiye awazi radiyosi xewiri: blinkén, israiliye bilen hamas otturisida 21 – may küni hasil qilinghan urush toxtitish kélishimini qollash we ghezze rayonigha insanperwerlik yardem buyumlirining yetküzüp bérilishi mesililiri küntertipke kélidighan ottura sherq ziyariti dairiside, israiliyedin kéyin, pelestin, misir we iyordaniyede ziyarette bolidu.

blinkénning bügün israiliye bash ministiri bényamin nétanyahu we tashqi ishlar ministiri ashkénazi bilen körüshkündin kéyin, ramallahqa yétip bérip, pelestin dölet reisi mehmud abbas we bash ministir muhemmed ishtiyye bilen ayrim - ayrim bir yerge jem bolushi kütülmekte.

u, kéyinche misir we iyordaniyede ziyarette bolidu.

israiliyening ishghal astidiki sherqiy quddusqa jaylashqan mesjidi eqsada ramizan éyida ibadet qiliwatqanlargha hujum qilishi we sheyx jerrah mehellisi ahalisini öy – makanliridin mejburiy qoghlap chiqish pilani, rayonda sürkilishni ewj alduruwetkenidi.

israiliyening ishghal astidiki ghezze rayonigha 10 – mayda bashlatqan hujumlar, hamas bilen hasil qilinghan urush toxtitish kélishimige asasen, 21 – may küni shu jay waqti kéche saet 02.00 de axirlashqanidi.



مۇناسىۋەتلىك خەۋەرلەر