нигерийәдә қораллиқ һуҗум қилиш вәқәси йүз бәрди

ғәрбий африқа дөлити нигерийәниң бенуе өлкисидә йүз бәргән қораллиқ һуҗум қилиш вәқәсидә тоққуз адәм җенидин айрилди.

1644394
нигерийәдә қораллиқ һуҗум қилиш вәқәси йүз бәрди

түркийә авази радийоси хәвири: қораллиқ кишиләр бенуе өлкисиниң макурди райониға һуҗум қилип, тоққуз адәмниң җениға замин болди, нурғун адәмни йариландурди.

бену өлкилик сақчи идариси байанатчиси катерин анене, вәқәниң йүз бәргәнликини җәзмләштүргән болсиму, өлгәнләр сани һәққидә мәлумат бәрмиди.

байанатчи анени, бихәтәрлик қисимлириниң вәқә йүз бәргән районға әвәтилгәнликини байан қилди.

нигерийә һөкүмити қораллиқ кишиләрниң мотосиклитлиқ һуҗумлири көпийип қалғандин кейин, бәзи өлкиләрдә мотосиклит минишни чәклигәниди..

бенуе өлкиси,  пат - патла бақмичилиқ билән шуғуллинидиған фулани қәбилиси билән деһқанчилиқ билән шуғуллинидиған бир қәбилиләр оттурисидики чүшинишмәсликләр пәйда қилған шиддәтлик тоқунушларға сәһнә болуп туриду.

өлкидә ахирқи қетим 3 – майда қораллиқ һуҗум қилиш вәқәси йүз берип, 17 адәм җенидин айрилғаниди.

 



مۇناسىۋەتلىك خەۋەرلەر