خىتايدا يۈز بەرگەن يەر تەۋرەشتە ئۆلگەنلەر سانى كۆپەيدى

تۈركىيە ئاۋازى رادىيوسى خەۋىرى: خىتاي مەركىزىي تېلېۋىزىيەسى (CCTV) نىڭ خەۋەر قىلىشىچە، يۈننەن ئۆلكىسىدە يۈز بەرگەن يەر تەۋرەش ئاپىتىدە 3 كىشى جېنىدىن ئايرىلغان، 27 كىشى يارىلانغان.

ئالاقىدار تارماقلارنىڭ بىلدۈرۈشىچە، يۈننەن ئۆلكىسىدە مەيدانغا كەلگەن 6.1 بال چوڭلۇقتىكى يەر تەۋرەشتىن كېيىن، خىتاينىڭ غەربىي شىمالىدىكى چىڭخەي ئۆلكىسىدە يۈز بەرگەن 7.3 بال چوڭلۇقتىكى يەر تەۋرەش ئاپىتىدىمۇ 8 كىشى يارىلانغان، كەم دېگەندە 20 مىڭ كىشى بىخەتەر رايونلارغا تارقاقلاشتۇرۇلغان.