laworw bilen blinkén tunji qétim yüzturane körüshti

rusiye tashqi ishlar ministiri sérgéy lawrow bilen amérika qoshma ishtatliri diplomatiye ministiri antoni blinkén tunji qétim yüzturane körüshti.

1642327
laworw bilen blinkén tunji qétim yüzturane körüshti

türkiye awazi radiyosi xewiri: shimaliy qutup döletlirining diplomatiye ministirliri yighini munasiwiti bilen islandiyening paytexti réykyawikta ziyarette boluwatqan amérika qoshma ishtatliri diplomatiye ministiri antoni blinkén bilen rusiye tashqi ishlar ministiri sérgéy lawrow, uchrishishliri harpisida axbarat élan qilish yighini ötküzdi.

laworw, rusiye – amérika qoshma ishtatliri otturisidiki ikki terep munasiwetlirini téximu tereqqiy qildurush mesilisi heqqide muzakire élip bérish niyiti barliqini, rusiye pirézidénti wiladimir putin bilen amérika qoshma ishtatliri pirézidénti jo baydinning téléfon söhbiti dairiside munasiwetlerni qandaq tereqqiy qildurush toghruluq muzakire élip barghanliqlirini qeyt qildi.

amérika qoshma ishtatliri tashqi ishlar ministiri antoni blinkén bilen ünümlük diyalog ornitishni ümid qilidighanliqini éytqan laworw, moskwa bilen washingtonning, ortaq menpeet yetküzüsh we ijabiy netijilerni qolgha keltürüsh hem istiratégiyelik muqimliq mesililiride hemkarliq ornitishining zörürlükini tekitlep mundaq dédi: «dunyadiki omumiy weziyet, moskwa bilen washingiton otturisidiki munasiwetlerning ehwaligha baghliqtur.»

amérikaliq kespdishi bilen koréye yérim arili, iranning yadro pilani we afghanistan mesililiri toghriliqmu muzakire élip barghanliqlirini eskertken laworw, barliq mesililer heqqide semimiyet, durusluq we özara hörmet qilish éngi asasida muzakire élip bérishqa teyyar ikenlikini bildürdi.

amérika qoshma ishtatliri tashqi ishlar ministiri antoni blinkén, moskwa bilen yaxshi munasiwet ornitish üchün tirishchanliq körsitiwatqanliqlirini tekitlep mundaq dédi: «rusiye bilen aldin perez qilghili bolidighan, muqim munasiwet ornitishqa tirishiwatimiz. biz buni hem öz xelqimiz üchün, hem rusiye xelqi üchün, shundaqla pütkül dunya üchün paydiliq dep qaraymiz.»

amérika qoshma ishtatliri bilen rusiye otturisida nurghun ortaq menpeet yetküzüsh sahelirining barliqini qeyt qilghan blinkén, bu xususlarda hemkarliqni yenimu kücheytish éhtimalliqlirining barliqinimu sözlirige ilawe qildi.


خەتكۈچ: #blinkén , #lawrow , #amérika , #rusiye

مۇناسىۋەتلىك خەۋەرلەر