ilhan ömer baydin hökümitining israiliye siyasitini eyiblidi

türkiye awazi radiyosi xewiri: ilhan ömer yazma bayanat élan qilip, israiliyege yuqiri sezgürlükke ige bashqurulidighan bomba sétishni testiqlighan baydén hökümitini tenqid qildi.

u, «baydin hökümitining, zorawanliq küchiyip ketken we puqralar hujumlargha uchrighandin kéyin israiliye bash ministiri binyamin nétanyahugha shertsiz shekilde 735 milyon dollarliq yuqiri sezgürlükke ige qoral sétip bérishni maqullishi kishini heyran qalduridu» dédi.

«eger bu sétish testiqlansa, bu zorawanliqning dawamlishishigha yéshil chiragh yéqish we urush toxtitish tirishchanliqigha tosalghu bolushtin dérek béridu» dégen ömer, israiliyening puqralargha qaratqan hujumini körgen amérika hökümitining qoral sétishni testiqlashni qaytidin oylishishi kéreklikini tekitlidi.