xelqara kechürüm teshkilati: israiliye puqralargha qilghan hujumliri urush jinayiti teshkil qilidu

xelqara kechürüm teshkilati, israiliyening hujumliri netijiside ghezzede qaza qilghanlarsanining köpiyishidin qattiq endishe qiliwatqanliqini eskertti.

1640683
xelqara kechürüm teshkilati: israiliye puqralargha qilghan hujumliri  urush jinayiti teshkil qilidu

türkiye awazi radiyosi xewiri: xelqara kechürüm teshkilati, israiliyening hujumliri netijiside ghezzede qaza qilghanlarsanining köpiyishidin qattiq endishe qiliwatqanliqini eskertip, puqralargha biwasite hujum qilishning urush jinayiti teshkil qilidighanliqini bildürdi.

merkizi engliyege jaylashqan xelqara kechürüm teshkilati bu heqtiki bayanatida: «ghezzede qaza qilghanlar sanining köpiyip kétishidin qattiq endishe qilmaqtimiz. xelqara jinayi ishlar soti israiliyening shenbe künidiki ikki ayal bilen sekkiz balining ölümini keltürüp chiqarghan shati musapirlar lagéri hujumini tekshürüshi kérek. puqralargha biwasite hujum qilish urush jinayiti teshkil qilidu» dégen ibarilerge orun berdi.

israiliyening ghezze rayonigha qilghan tünügünki hujumlirida shati musapirlar lagéridiki tughqanlirining öyige héytlishish üchün barghan ebu hateb we elhedidi aililiridin ikkisi ayal, sekkizi kichik balilar bolup jemiy 10 kishi qaza qilghanidi.

10- maydin bashlap israiliye hawa we quruqluqtin hujum qilishqa ötken muhasire astidiki ghezze rayonining weziyiti barghansiri nacharlashmaqta.

israiliyening hujumlirida hazirghiche 58 i kichik bala, 34 nepiri ayal bolup jemiy 192 kishi qaza qildi, 1235 adem yarilandi, nechche on bina pütünley weyran boldi yaki ishlitishke bolmaydighan halgha chüshüp qaldi.



مۇناسىۋەتلىك خەۋەرلەر