blinkén besh döletning tashqi ishlar ministirliri bilen körüshti

antoni blinkén, misir, seudi erebistan, qatar, pakistan we firansiye tashqi ishlar ministirliri bilen körüshüp, isirailiye-pelestin mesiliside zorawanliqni axirlashturush we xatirjemlikni kapaletke ige qilish tirishchanliqlirini muzakire qildi.

1640529
blinkén besh döletning tashqi ishlar ministirliri bilen körüshti

türkiye awazi radiyosi xewiri: amérika tashqi ishlar ministirliqining bayanatchisi néd prays (Ned Price) tashqi islar ministiri antoni blinkénning besh döletning tashqi ishlar ministirliri bilen ötküzgen téléfon söhbiti toghrisida yazma bayanat élan qildi.

antoni blinkén misir tashqi ishlar ministiri semih shukri bilen körüshkende, isirailiye bilen pelestinge özlirini tutuwélishni we zorawanliqni toxtitishni chaqiriq qilip, misirning bu jehettiki tirishchanliqlirigha teshekkür éytti.

u seudi erebistan tashqi ishlar ministiri faysal bin farhan  alsuud bilen körüshkende, isirailiye, ghezze we iyordan deryasining gherbiy qirghiqidiki zorawanliqlarni toxtitish tirishchanliqlirini muzakire qildi.

u pelestin we isirailiyede ölüm-yétim hadisilirining körülgenlikidin biaram bolghanliqini qeyt qildi.

pelestinlikler bilen isirailiyeliklerning oxshash derijide erkin, bixeter, sherep we parawan halda yashash hoquqining barliqini eskertken blinkén, alsuud bilen yemenning nöwettiki weziyiti we seudi erebistandiki kishilik hoquqqa munasiwetlik yéngi mesililernimu muzakire qildi.

u qatar tashqi ishlar ministiri muhemmed bin abdurrahman alsani we firansiye tashqi ishlar ministiri lé jriyan bilen körüshkende, isirailiye-pelestin mesiliside éshiwatqan zorawanliqlarni axirlashturushqa munasiwetlik musapilerni muzakire qildi.

pakistan tashqi ishlar ministiri mehmut qureyshi bilen körüshkende, afghanistan tinchliq musapisini pakistanning dawamliq qollishining ehmiyitini tekitlidi we amérika-pakistan otturisidiki hemkarliqlarning dawamlishidighanliqidin bésharet berdi.



مۇناسىۋەتلىك خەۋەرلەر