бирмадики намайишларда қаза қилғанлар омумий сани 796 гә йәтти

бирма хәвпсизлик күчлириниң һәрбий өзгиришкә вә хәлқ тәрипидин сайланған һөкүмәт әзалириниң тутқун қилинишиға қарши өткүзүлүватқан намайишларни қораллиқ бастурушқа урунуши нәтиҗисидә, қаза қилғанлар сани 796 гә йәтти.

1640642
бирмадики намайишларда қаза қилғанлар омумий сани 796 гә йәтти

түркийә авази радийоси хәвири: сийасий мәһбусларға йардәм бериш тәшкилатиниң күндилик доклатида, йеқинқи 24 саәт ичидә йәнә алтә кишиниң қаза қилғанлиқи, шуниң билән, һәрбий өзгиришкә қарши башланған намайишларда қаза қилғанлар омумий саниниң 796 гә йәткәнлики, буниңдин башқа 3998 адәмниң назарәт астиға елинғанлиқиға даир учурларға орун берилди.

сийасий өзгиришкә қарши чиққан 1679 адәм үстидин тутуш буйруқи чиқирилғанлиқиға ишарәт қилинған доклатта, әң йеңи адәм өлүш вәқәсиниң һәрбий – сийасий өзгиришкә қарши исйанчилар билән армийә оттурисидики тоқунушлар давамлишиватқан чин өлкисиниң миндат шәһиридә йүз бәргәнлики қәйт қилинди.

бирма армийәси 2020- йили 8- нойабир өткүзүлгән сайламға һийлә арилаштурулғанлиқиниң илгири сүрүлүши вә дөләттики сийасий ихтилапларниң күчийишидин 2021-йили 1-феврал һакимийәтни тартивалғаниди.

бирма армийәси йәнә, ташқи ишлар министири вә дөләтниң әмәлийәттики рәһбири аң сан сучи қатарлиқ һөкүмәт әмәлдарлирини һәмдә һакимийәт бешидики партийә мәсуллирини тутқун қилип, бир йиллиқ җиддий һаләт елан қилған иди.

бирмада бир тәрәптә йуқири дәриҗилик һөкүмәт әмәлдарлири һәрбий сотларда сотланмақта, йәнә бир тәрәптә кәң көләмлик намайишлар давамлашмақта.

 



مۇناسىۋەتلىك خەۋەرلەر