baydin waksina emletkenlerning maska taqishigha kérek yoqluqini bildürdi

amérika pirézidénti jo baydin wuxen wirusi (Kovid-19) gha qarshi waksina emletküzgen kishilerning maska taqishigha kérek yoqluqini bildürdi.

1639325
baydin waksina emletkenlerning maska taqishigha kérek yoqluqini bildürdi

türkiye awazi radiyosi xewiri: amérika pirézidénti jo baydin késelliklerni kontrol qilish we aldini élish merkizi wuxen wirusi tedbirlirige munasiwetlik yéngi qollanma élan qilghandin kéyin, aqsarayda muxbirlarni kütüwélish yighini ötküzdi.

u: «bügün amérikada wuxen wirusigha qarshi turushtiki katta bir kün. amérika késelliklerni kontrol qilish we aldini élish merkizi waksina emletküzgen kishilerning maska taqishigha kérek yoqluqini uqturdi. 114 künde 250 milyon waksina emlendi. buning netijilirini körüwatimiz. 49 ishtatta wuxen wirusigha munasiwetlik weqeler töwenlidi» dédi.

u amérika xelqining yéqinqi bir yildin buyan sewr qilip, körsetken pédakarliqlirining teqdirleshke tégishlik ikenlikini tekitlidi we: «waksina emletküzüp, wetenni söyüsh wezipenglerni ada qildinglar. emdi qaide nahayiti addiy, waksina emletküzünglar we yaki waksina emlitip bolghiche maska taqanglar» dédi.


خەتكۈچ: #wuxen wirusi , #maska , #baydin , #waksina

مۇناسىۋەتلىك خەۋەرلەر