kabulda bir mektepke qilinghan hujumda qaza qilghanlarning sani 50 ke yetti

afghanistanning paytexti kabulda tünügün bir mektepning aldida yüz bergen bomba hujumida hayatidin ayrilghanlarning sani 50 ke yetti.

1636854
kabulda bir mektepke qilinghan hujumda qaza qilghanlarning sani 50 ke yetti

türkiye awazi radiyosi xewiri:  ichki ishlar ministirliqi bayanatchisi tariq aryen tünügün kabulning deshti barchi rayonida seyyidi shuheda mektipi aldida élip bérilghan bomba hujumida hayatidin ayrilghanlar sanining 50 ke yetkenlikini éytti.

tariq aryen hujumda yarilanghanlar sanining 100 din éship ketkenlikini we qaza qilghanlar saniningmu köpiyishidin endishe qiliniwatqanliqini bildürdi.

tariq aryen hujumning deslepte  aptomobil bomba arqiliq, andin rayongha orunlashturulghan ikki ayrim bombini partilish arqiliq élip bérilghanliqi uqturdi.  

tariq aryen maarip merkezlirining urushta chiqilishqa bolmaydighan jay ikenlikini tekitlep,  bu hujumning urush jinayiti ikenlikini  eskertti we hujumda talibanning jawabkarliqi barliqini éytti.

taliban bolsa, bu hujum bilen héchqandaq chétishliqi yoqliqini ilgiri sürüp, hujumni eyibleydighanliqini élan qildi.


خەتكۈچ: #taliban , #afghanistan , #kabul

مۇناسىۋەتلىك خەۋەرلەر