gutérs kirizislerni hel qilishta köwrüklük rolini jari qilduridighanliqini bildürdi
birleshken döletler teshkilati bash katipliqigha qaytidin namzat bolghan antonyo gutérs, kirizislerning hel qilinishida «durus muressechi» bolidighanliqi we «köwrük salghuchi» rolini öz üstige alidighanliqini ehde qildi.
türkiye awazi radiyosi xewiri: birleshken döletler teshkilati bash katipliq wezipisige gutérstin bashqa yene 7 kishi namzat boldi.
gutérs, döliti portugaliye teripidin bu wezipige namzat körsitildi, emma sabiq ékwador pirézidénti rosalia artéaganimu öz ichige alghan 7 shexs, birleshken döletler teshkilatigha eza héchbir dölet teripidin namzat körsitilmidi.
2017 – yildin béri birleshken döletler teshkilati bash katipi süpitide wezipe ötep kéliwatqan gutérs, birleshken döletler teshkilati omumiy kéngishide yégane namzat süpitide, eza döletlerning soallirigha jawab berdi, hemde istratégiyelik pilanini otturigha qoydi.
ilgirimu uda 10 yil birleshken döletler teshkilati musapirlar aliy komissari süpitide wezipe ötigen portugaliyening sabiq bash ministiri gutérs, ikkinchi qétim bu wezipige saylanghan teqdirde, kirizislerge chare tépishta «durust bir muressechi» bolidighanliqi we «köwrük salghuchi» rolini öz üstige alidighanliqini ehde qildi.
hazirmu birleshken döletler teshkilati bash katipi süpitide wezepe ötewatqan gutérs, uda 4 yérim yildin buyan dawamlashturuwatqan bu wezipiside, jinsiy barawerlik we kilimat özgirishige qarshi küreshni, özining muhim ishlar küntertip maddiliridin biri qilip békitti.
