qatar diplomatiye ministiri türkiyeni maxtidi
qatar tashqi ishlar ministiri muhemmed bin abdrurrahman alsani türkiyening ereb jughrapiyeside tashlawatqan ijabiy qedemlirini maxtidi.
türkiye awazi radiyosi xewiri: alsani, qatarning «‹Al Jazeera› téléwiziye qanili» ning ziyaritini qobul qilghanda bergen bayanatida, mundaq dédi: «türkiyening ereb jughrapiyeside ijabiy qedemlerni tashlawatqanliqini körüwatimiz, türkiye rayonning ayrilmas bir parchisi bolup, rayonluq bixeterlikke köngül bölüwatidu, türkiye bilen yaxshi munasiwetlirimiz bar, rayonning paydisi üchün türkiye – ereb munasiwetlirining yaxshi bolushini xalaymiz» dédi.
türkiye bilen misir tashqi ishlar ministirliqliri heyetliri otturisidiki siyasiy söhbetler, 5 – may küni, misirning paytexti qahirede bashlanghanidi.
türkiye tashqi ishlar ministirliqi teripidin élan qilinghan yazma bayanatta, türkiye bilen misir heyetlirining izdinish söhbetlirining semimiy keypiyatta we keng dairilik ötküzülgenliki, her ikki döletning, bu söhbetlerning netijilirini yekünligendin kéyin, kéyinki basquchta tashlinidighan qedemler heqqide qarar chiqiridighanliqi bildürülgenidi.
