ölüm jazasi ijra qilindi, bigunah ikenliki 29 yil ötkendin kéyin otturigha chiqti

amérikada adem öltürüsh jinayiti bilen eyiblinip ölüm jazasi ijra qilinghan bir kishining bigunah ikenliki aridin yillar ötkendin kéyin otturigha chiqti.

1635344
ölüm jazasi ijra qilindi, bigunah ikenliki 29 yil ötkendin kéyin otturigha chiqti

türkiye awazi radiyosi xewiri: lédél lé (Ledell Lee) 1993-yili arkansasta qoshnisi débra rés (Debra Reese) ni öltürüsh bilen eyiblengen we 2017-yili ölüm jazasi ijra qilinghan.

lédél léning ailisi ötken yili (2020) dewasida qoshumche tekshürüshlerni telep qildi.

ijtimaiy teshkilatlar d n a tekshürüshining, jinayet ötküzülgen neq meydandin élinghan delillerde kimliki namelum bir er kishining génlirining tépilghanliqini körsitidighanliqini élan qildi.

qoshumche tekshürüsh we barmaq izi analizining bir nusxisini ashkarilighan guruppilar, ölüm jazasi ijra qilinghan lédél lédin bashqa bir er kishining d n a sining, jinayet qorali bolghan yaghach kaltek sépida we qoralni orighan könglekning üstide bayqalghanliqini bildürdi.

besh barmaq izi tetqiqatchiliri qolgha chüshürülgen barmaq izlirini tekshürüp, héchbirining lédél léning emeslikini élan qildi.

amérika «bigunah layhesi» ning péshqedem meslihetchisi nina morrison (Nina Morrison): «delil-ispatlar toplinip aridin 29 yil ötkende, netijilerning kemchil we qismen ikenliki ispatlandi. lédél lé sotlanghan waqitta bolmighan yéngi DNA arxipining bar bolushi diqqet qilishqa erziydu» dédi.

esli afriqaliq bolghan lédél lé arkansasta 10 yildin artuq waqittin buyan ölüm jazasigha höküm qilinghan tunji mehbus idi. 



مۇناسىۋەتلىك خەۋەرلەر