даеш нефит қудуқиға һуҗум қилди
террорлуқ тәшкилати даешниң ирақниң кәркүк шәһириниң ғәрбий шималидики бай һәсән районидики нефит қудуқлиридин иккисигә қилған һуҗумида бир сақчи өлди, 2 сақчи йариланди.
түркийә авази радийоси хәвири: кәркүк җамаәт хәвпсизлики баш идариси байанатчиси амир нуриниң билдүрүшичә, террорлуқ тәшкилати даеш, онларчә нефит қудуқи бар шәһәрниң ғәрбий шималидики бай һәсән районида, 177 – вә 183 – номурлуқ нефит қудуқлириға, йеник типтики қорал – йарағлар билән һуҗум қилған, һуҗумда бир сақчи өлгән, 2 сақчи йариланған, һуҗумдин кейин, һәр икки қудуқта от апити йүз бәргән, вәқәдин кейинла дәрһал мудахилә қилинип, от өчүрүлгән, от қисқа вақит ичидә өчүрүлгәнлики үчүн, нефит қудуқлири зийанға учримиған.
даеш, 2014 – йили, ийун ейида, ирақниң мусул, салаһидин вә әнар вилайәтлириниң һәммисини, дийалә вә кәркүк вилайәтлириниң бир қисмини чаңгилиға киргүзүвалған, бу районлар йиллар ичидә даештин қайтурувелинғаниди.
مۇناسىۋەتلىك خەۋەرلەر
исраилийә ливанға һава һуҗуми қозғиди
исраилийә армийәси ливанниң җәнубиға кәң көләмлик һава һуҗуми қозғиди.