dunya sehiye teshkilati bilen gérmaniye yéngi wirus merkizi quridu

dunya sehiye teshkilati bilen gérmaniye kelgüside otturigha chiqishi mumkin bolghan wiruslar üchün aldin agahlandurush sistémisi bolidighan yéngi dunyawi merkez quridighanliqlirini élan qildi.

1634762
dunya sehiye teshkilati bilen gérmaniye yéngi wirus merkizi quridu

türkiye awazi radiyosi xewiri: dunya sehiye teshkilati diréktori tédros adxanom ghébréyésus (Tedros Adhanom Ghebreyesus) shiwéytsariye paytexti jenwe shehiridiki  merkezde ötküzülgen axbarat élan qilish yighinida, yéngi wirus merkizining gérmaniye paytexti bérlinda qurulidighanliqini we dunyaning her qaysi jayliridiki hessidarliri bilen xizmet qilidighanliqini éytti.

u: «wuxen wirusi sawaqliridin biri, rehberlerning angliq halda xelq saghlamliqigha munasiwetlik qararlarni chiqirishigha yardem qilish üchün, dunyaning sanliq melumat analizlirida muhim ilgirileshke éhtiyajliq bolushi hésablinidu» dédi.

gérmaniye bash ministiri angéla mérkélmu yighingha sin sheklide qatnashti.

u: «wuxen wirusi (Kovid-19) bizge kelgüsidiki yuqum we wabalargha qarshi birlikte küresh qilishimiz kéreklikini ögetti» dédi.

u bérlinda dunya sehiye teshkilati kontrolluqi astidiki yéngi merkezning, oxshimighan dölet, akadémiye we xususiy shirket wekillirining hesse qoshushi bilen, dunya xaraktérlik wabalarning aldini élish munbiri bolidighanliqini qeyt qildi.

gérmaniye bash ministiri yéns shfan (Jens Spahn) merkezning yuqum we waba xeterlirini aldin texmin qilish, aldini élish, bayqash, teyyarliq qilish we bulargha jawab bérish üchün, dunya xaraktérlik merkez bolidighanliqini bildürdi.



مۇناسىۋەتلىك خەۋەرلەر