islamofobi (islamgha öchmenlik qilish éqimi) gha qarshi qetiylik bilen küresh qilish lazim

pakistan bash ministiri imran xan islam hemkarliq teshkilatini islamofobi (islamgha öchmenlik qilish éqimi) gha qarshi qetiylik bilen küresh qilishqa chaqirdi.

1633563
islamofobi (islamgha öchmenlik qilish éqimi) gha qarshi qetiylik bilen küresh qilish lazim

türkiye awazi radiyosi xewiri: bash ministir imran xan paytext islamabadta islam hemkarliq teshkilatigha eza döletlerning bash elchiliri bilen bir yerge jem boldi.

imran xan peyghember eleyhissalamgha qarita haqaret xaraktérilik bayanatlarning 1 milyard 500 milyon musulmanni éghir yarilighanliqi we buning hergizmu pikir erkinliki mesilisi emesliki heqqide  islam döletlirining gherb döletlirini qayil qilishta utuqqa érishelmigenlikini éytti.

imran xan qandaqla chaghda térrorluq weqesi yüz berse, gherb döletlirining pütkül islam dunyasini yaman körsitiwatqanliqini tekitlep, xususiy weqelerning barliq musulmanlarning herikitidek körsitilmesliki we atalmasliqi kéreklikini bildürdi.

imran xan birer kishi teripidin sadir qilinghan her qandaq térrorluq yaki térrorluqning ipadilirini islam we barliq musulmanlarning küchlük eyibleydighanliqini tekitlep: «islamni térorluqqa chétish pütünley naheqchiliqtur» dédi.

imran xan islamni «radikalliq we térrorluq» qa chétishqa shundaqla islamofobigha qarshi qetiylik bilen küresh qilish üchün islam hemkarliq teshkilatigha chaqiriq élan qildi.

imran xan xelqara jemiyetning musulmanlarning peyghembirige we qurangha bolghan chongqur muhebbiti we hörmitini chüshinishige kapaletlik qilish üchün islam hemkarliq teshkilatigha birlikte xizmet qilish teklipi sundi.



مۇناسىۋەتلىك خەۋەرلەر