йавропа иттипақи комитети сайаһәт чәклимилирини әмәлдин қалдурушни тәклип қилди
йавропа иттипақи комитети әза дөләтләргә йавропа иттипақи тәрипидин тәстиқланған вухән вируси (Kovid-19) ваксиналирини әмләткән кишиләргә мәвҗут сайаһәт чәклимилирини әмәлдин қалдурушни тәвсийә қилди.
түркийә авази радийоси хәвири: йавропа иттипақи комитетиниң байанатида, йавропа иттипақи пуқралири йаки йавропа иттипақи дөләтлиридә туруш рухсити болмиған кишиләрниң йавропа иттипақиға мәҗбур қалмиған әһвалда қилидиған сайаһәтлиридә иҗра қилинған мәвҗут чәклимиләрни, ваксина әмләш вә дөләтлиридики вухән вирусиға мунасивәтлик вәқәләр нәзәргә елинған һалда бошитишниң тәклип қилинғанлиқи билдүрүлди.
комитетниң тәклипи әза дөләтләр тәрипидин қобул қилинса, йавропа иттипақи тәстиқлиған икки қетимлиқ вухән вируси ваксинасини әмләткән кишиләр, йавропа иттипақи дөләтлиридә сайаһәт қилалайду. сайаһәтләр үчүн иккинчи қетимлиқ ваксина әмлитип аридин 14 күн өткән болуши керәк.
йавропа иттипақи бийонтек-файзер (BioNTech-Pfizer ), модерна (Moderna), астразенека (AstraZeneca) , җонсон вә җонсон (Johnson and Johnson) ваксиналирини тәстиқлиди. бу ваксиналарниң ичидә җонсон вә җонсон ваксинаси бирла қетим әмлитилиду.
йавропа дора агентлиқи (EMA) кийурвак (Curevac), новавакс (Novavax) вә V –спутник ваксиналирини баһалимақта. һазирчә бу ваксиналарға тәстиқ елиш үчүн илтимас сунулмиди.
вухән вирусиға мунасивәтлик вәқәләр сани аз болған йәттә дөләттин йавропа иттипақиға әркин сайаһәт қилишқа йол қойулиду. бу дөләтләр, австиралийә, йеңи зеландийә, рвиванда, сингапор, җәнубий корейә, тайланд вә хитай. бу дөләтләрниң ичидә, йавропа иттипақи тәстиқлиған әһвалда хитайға рухсәт қилиниду.
مۇناسىۋەتلىك خەۋەرلەر
исраилийә ливанға һава һуҗуми қозғиди
исраилийә армийәси ливанниң җәнубиға кәң көләмлик һава һуҗуми қозғиди.
