америка вә нато әскәрлири афғанистандин чекинишкә башлиди

түркийә авази радийоси хәвири: афғанистанда турушлуқ 2500 – 3000 әтрапидики  америка әскәрлири билән  тәхминән 7 миң нато әскири, бүгүндин башлап тәдриҗий һалда дөләттин айрилиду.

америка қошма иштатлири пирезиденти җо байдин, 15 – апрел күни елан қилған байанатида, 1 – майда чекиниш басқучиниң башлинидиғанлиқини, афғанистанниң ишғал қилинишиниң хатирә күни болған 11 – сентәбирдин бурун барлиқ қисимларниң чекинип болидиғанлиқини уқтурғаниди.

америка вә шималий атлантик әһди тәшкилати қисимлири, 11 – сентәбир һуҗумлириниң җавабкари дәп қаралған әлқаидә тәшкилати әзалирини йошурғанлиқи вә һемайә қилғанлиқини илгири сүрүп, 2001 – йили, 7 – өктәбир күни афғанистанни ишғал қилғаниди.

америка қошма иштатлириниң бровин унверситити ишқа кириштүргән «уруш чиқимлири» лайиһәси даирисидики тәхминләргә қариғанда, 20 йиллиқ уруш үчүн 2 тирилйон доллардин артуқ пул хәҗләнгән.

америка қошма иштатлириниң 2 миң 442 әскири өлгән, 20 миң 666 әскири йариланған уруш җәрйанида, 1144 нато хадими һайатидин айрилғаниди.