малайшийа астразенекани тәстиқланған ваксиналар тизимликидин чиқиривәтти
малайшийа һөкүмити астразенека ширкити тәтқиқ қилип йасиған вухән вируси (Kovid-19) ваксинасиниң қан уйушушқа сәвәб болидиғанлиқи әндишәси билән, ваксина тизимликидин чиқиривәтти.
түркийә авази радийоси хәвири: малайшийа билим, технологийә вә йеңилиқ йаритиш министири һайри җәмаләддин астразенека ваксинасиниң һәр қандақ хәтири йоқлуқини испатлиған болсиму, хәлқниң әндишәлирини нәзәргә алғанлиқлирини елан қилди.
у малайшийа баш министири вә сәһийә министири билән көрүшкәндин кейин, астразенека ваксинасиниң вухән вируси ваксинаси пирограммиси рамкисида тәстиқланған ваксиналар тизимликидин чиқиривитилгәнликини билдүрди.
у: «қолимиздики ваксиналарға зийан салмаслиқ үчүн астразенека ваксинасини өзи халиған кишиләргә әмләймиз» деди.
малайшийа һөкүмити 32 милйон нопуси үчүн файзер-бийонтек (Pfizer-BioNTech), синовак (Sinovac), кансино бийо (CanSinoBIO) вә спутниктин җәмий 66.7 милйон ваксина ситевелиш үчүн келишим имзалиған иди.
малайшийада 1 милйон 335 миң 641 кишиниң әмләнгәнликини билдүрди.
малайшийа һөкүмити әмләнгәнләр нисбитини %70 гә йәткүзүшни нишан қилмақта.
مۇناسىۋەتلىك خەۋەرلەر
исраилийә ливанға һава һуҗуми қозғиди
исраилийә армийәси ливанниң җәнубиға кәң көләмлик һава һуҗуми қозғиди.