yaponiye parlaménti xitaynimu öz ichige alghan iqtisadiy hemkarliq kélishimini testiqlidi

türkiye awazi radiyosi xewiri: yaponiye parlaméntining yuqiri qaniti meslihet kéngishi döletning «dunyadiki eng chong erkin soda kélishimi» dep atalghan rayon xaraktérliq uniwérsal iqtisadiy hemkarliq kélishimi «RCEP» ge qatnishishini qobul qildi.

döletlik médiya orgini «NHK» hökümet kélishimide teminlengen éksport, meblegh sélish we istémal pursiti bilen döletning omumiy milliy kirimini %2.7 ashurushni mölcherlewatqanliqini bildürdi.

kyodo agéntliqining xewirige asaslanghanda, rayon xaraktérliq uniwérsal iqtisadiy hemkarliq kélishimi «RCEP» yaponiyening hem eng chong soda shériki xitay , hem üchinchi chong soda shériki jenubiy koréye teng orun alghan tunji soda kélishimi hésablinidiken.

tawar sodisining tamozhna béjini körünerlik töwenlitishi mölcherliniwatqan rayon xaraktérliq uniwérsal iqtisadiy hemkarliq kélishimi «RCEP» dunya nopusi we sodisining %30 ni özichige alidighan erkin soda rayoni berpa qilishni meqset qilidu.

ténch okyanda, xitay, jenubiy koréye, awistiraliye, yéngi zélandiye we sherqiy jenubiy asiya elliri ittipaqigha eza 10 dölet 2020-yili noyabirda rayon xaraktérliq uniwérsal iqtisadiy hemkarliq kélishimi hasil qilghan idi.