amérika waksina emletküzgenler üchün maska taqash shertini emeldin qaldurdi

amérika qoshma ishtatliri késelliklerning aldini élish we kontrol qilish merkizi, kowid – 19 waksinisini toluq emlitip bolghanlarning pewquladde qistangchiliq bolmighan barliq ehwallarda maskisiz yürüshige bolidighanliqini uqturdi.

1629793
amérika waksina emletküzgenler üchün maska taqash shertini emeldin qaldurdi

türkiye awazi radiyosi xewiri: kowid - 19 waksinisini toluq (her ikki qutisini) emlitip bolghan amérikaliqlar üchün chiqirilghan yéngi qollanmida, sirtta chéniqishi, tamaq yéyishi weyaki ijtimaiy alaqe qilishigha bolidighanliqi qeyt qilindi.

waksina emlengen kishilerning téxi waksina emletküzmigen bashqa aile ezaliri bilen öy ichi yaki sirtlarda maskisiz we ijtimaiy ariliqqa diqqet qilmastin uchrashsa bolidighanliqi otturigha qoyulghan qollanmida, mezkur kishilerning ichide kowid – 19 gha giriptar bolush xewpini ashuruwétidighan bezi késellikliri bar kishilerning bolmasliqi kérekliki tekitlendi.

buning bilen birlikte maska taqashning yenila bixeter ikenlikige isharet qilghan amérika késelliklerning aldini élish we kontrol qilish merkizining bayanatida: «maskisiz sirtqa chiqishtin burun, öz ehwalingizni, shundaqla ailingizdikiler we etrapingizdiki kishilerge yétidighan oylishishingiz kérek» dégen ibarilerge orun bérildi.

yene bir tereptin, késelliklerning aldini élish we kontrol qilish merkizi, satirachxana, neq meydan oyun paaliyetliri, paratlar, soda sarayliri, ibadetxanilar we muzéylargha oxshash sorunlarda toluq immunitétlanghan kishilerningmu maska taqashni dawamlashturushi tewsiye qilindi.


خەتكۈچ: #maska , #waksina , #amérika

مۇناسىۋەتلىك خەۋەرلەر