rusiye: baltiq döletliri bilen silowakiyening yette diplomatini chégradin qoghlap chiqirimiz

rusiye ikkisi litwaliq, biri latwiyelik, biri éstoniyelik we üch nepiri slowakiyelik bolupp jemiy yette diplomatni «xalanmighan adem» dep élan qildi.

1630086
rusiye: baltiq döletliri bilen silowakiyening yette diplomatini chégradin qoghlap chiqirimiz

türkiye awazi radiyosi xewiri: rusiye tashqi ishlar ministirliqi bayanat élan qilip, litwaning moskwada turushluq bash elchisi étwidas bayarunas, latwiyening moskwada turushluq bash elchisi mars riyékstinsh we éstoniyening moskwa bash elchixanisi meslihetchisi pirét réyntam bénnoning ministirliqqa chaqirtilip, mezkur döletlerning rusiye diplomatlirini asassiz we ighwager usullar bilen chégradin qoghlap chiqirish qararigha qattiq naraziliq bildürülgenlikini uqturdi.

wilnyus, riga we tallinning rusiyege qarita ochuq- ashkara düshmenlik qilish yolida méngishni dawamlashturuwatqanliqigha isharet qilinghan bayanatta, baltiq déngizi döletlirining chéxiye bilen rusiyege qarshi hemkarliq ichide ikenliki ilgiri sürüldi.

bayanatta: «özara oxshash usulda inkas qayturush pirinsipigha asasen, litwa elchixanisining ikki, latwiye we éstoniye elchixaniliridin birdin xizmetchining yette kün ichide rusiyedin chiqip kétishi telep qilindi» dégen ibarilerge orun bérildi.

éstoniye bash elchisi lubomir réhakningmu rusiye tashqi ishlar ministirliqigha chaqirtilip, ultimatom tapshurulghanliqi eskertilgen bayanatta, slowakiyediki üch rusiye diplomatining bimene we toqulma eyibleshler bilen «xalanmighan adem» dep élan qilinghanliqi, silowakiyening rusiyege qarshi paaliyetlerde chéxiye bilen saxta hemkarliq ornatqanliqi ilgiri sürüldi.

éstoniyelik üch diplomatning oxshash usulda inkas qayturush pirinsipigha asasen «xalanmighan adem» dep élan qilinghanliqi eskertilgen bayanatta, diplomatlarning 5- mayghiche rusiyedin chiqip kétishi telep qilindi.


خەتكۈچ: #diplomat , #rusiye

مۇناسىۋەتلىك خەۋەرلەر