xitayning b d t wiyénna ishxanisi daimiy wekili iranning yadro kélishimi heqqide toxtaldi

xitayning birleshken döletler teshkilati wiyénna ishxanisi daimiy wekili bash elchi wang chün amérikaning irangha yürgüzgen émbargolirini békar qilishning muhimliqini tekitlidi.

1629852
xitayning b d t wiyénna ishxanisi daimiy wekili iranning yadro kélishimi heqqide toxtaldi

türkiye awazi radiyosi xewiri: iranning yadro kélishimi söhbiti awstriyening paytexti wiyénnada dawamlashmaqta.

wiyénnada omumyüzlük birleshme heriket pilani (COPP) dep atilidighan iran yadro kélishimining toluq ijra qilinishi we amérikaning kélishimige qaytip kélishi toghrisidiki muzakiriler terep döletlerning ishtirak qilishi bilen dawamlashmaqta.

yawropa ittipaqi tashqi ishlar we bixeterlik siyasiti ali wekillikige wakaliten yawropa ittipaqi tashqi ishlar idarisi muawin bash katipi we siyasiy diréktori énrik moraning riyasetchilikide  bir yerge jem bolghan, omumyüzlük birleshme heriket pilani (COPP)  birleshme komitéti yighinigha, rusiye, xitay, gérmaniye, engiliye, firansiye we iranning yuqiri derijilik weqilliri qatnashti.

xitayning birleshken döletler teshkilati wiyénna ishxanisi daimiy wekili bash elchi wang chün kélishimge alaqidar muzakirilerde 4-heptige qedem qoyulghanliqini eskertip,  bezi mesililerde ilgirileshler qolgha kelgenlikini, lékin yenila köz qarashtiki oxshimasliqlarning dawamlishiwatqanliqini éytti.

wang chün iran bilen amérikaning kélishimge toluq qaytip kélishige kapaletlik qilish üchün hazirghiche élip bérilghan xizmetlerni teshkilleshning muhimliqini tekitlep, amérikaning iran we üchinchi döletlerge yürgüzgen émbargolirini békar qilishning muhimliqini shundaqla iranning kélishimni toluq ijra qilishni bashlishida buning hel qilghuch amil ikenlikini bildürdi.

rusiyening b d t wiyénna ishxanisidiki daimiy wekili bash elchi mixayil uliyanowmu tiwittérda élan qilghan bayanatida, tereplerning kélishimning esli nusxisigha qaytishqa qoshulghanliqini we mas qedemde bu basquchni tézlitishning qarar qilinghanliqini bildürdi.


خەتكۈچ: #yadro kélishimi , #iran , #xitay

مۇناسىۋەتلىك خەۋەرلەر