йапонийә билән һиндистан һәмкарлиқни күчәйтиш тоғрисида келишти

йапонийә билән һиндистан «әркин вә очуқ һинди- тинч окйан» тәсәввурини әмәлгә ашуруш үчүн йеқиндин һәмкарлишиш тоғрисида келишти.

1628942
йапонийә билән һиндистан һәмкарлиқни күчәйтиш тоғрисида келишти

түркийә авази радийоси хәвири: йапонийә баш министири суга йошихиде һиндистанлиқ мәнсәпдиши нарендра моди билән телефонлишип, икки дөләт мунасивәтлири, һинди- тинч окйан райони вә йуқумға тақабил туруш күриши қатарлиқ мәсилиләр тоғрисида сөзләшти.

суга, бейҗиңниң шәрқий хитай деңизи вә җәнубий хитай деңизиниң салаһийитини бир тәрәплимә һалда өзгәртишкә урунуши, шундақла хитайда 1 – феврал йолға қойулған қанунға алақидар әндишисини оттуриға қойди.

йапонийә ташқи ишлар министирлиқиниң байанатиға қариғанда, икки рәһбәр телефон сөһбити арқилиқ америка қошма иштатлири вә австралийә билән бирликтә «әркин вә очуқ һинди- тинч окйан» тәсәввурини әмәлгә ашуруш тоғрисида бирдәклик һасил қилған.

һиндистанда йапонийәниң мәблиғи вә техникисидин пайдилинип қурулидиған 500 километирлиқ йуқири сүрәтлик пойиз линийәсиниң түр басқучидики илгириләшләр тоғрисидиму сөзләшкән икки рәһбәр, йуқумға тақабил турушта өзара һәмкарлиқ орнитишниң әһмийитини тәкитлигән.



مۇناسىۋەتلىك خەۋەرلەر