birmada jénidin ayrilghan namayishchilar sani 751 ge chiqti
birmada herbiy özgirish we xelq teripidin saylanghan hökümet ezalirining tutqun qilinishigha qarshi ötküzülüwatqan namayishlarda, armiye qisimlirining qoralliq basturushi sewebidin jénidin ayrilghanlar sani 751 ge chiqti.
türkiye awazi radiyosi xewiri: siyasiy tutqunlargha yardem jemiyiti élan qilghan kündilik doklatta, birmada yéqinqi 24 saette alte namayishchining jénidin ayrilghanliqining toghrilanghanliqi qeyt qilindi.
doklatta, jemiy jénidin ayrilghan namayishchilar sanining 751 ge chiqqanliqi, 3 ming 431 kishining tutqun qilinghanliqi we 1 ming 159 kishi üstide tutush qararining barliqi eskertildi.
herbiy özgirishke qarshi ötküzülüwatqan namayishlarni qollighan yazghuchi we zhurnalist tutu taning qolgha élinghanliqi bildürüldi.
birma «Now» xewerler torining ziyaritini qobul qilghan tutu taning ailisi, 24-aprél yérim kéchide 18 yashliq oghli bilen birlikte yangonning tanlyin nahiyesidiki öyidin tutup kétilgenlikini, hazir ularning qeyerde tutup turuluwatqanliqini bilmeydighanliqlirini qeyt qildi.
