israiliye öltürgen we jesitini 3 yildin kéyin tapshurghan pelestinlik ösmür depne qilindi

israiliye qorshaw astidiki ghezzede shéhit qilghan we jesitini üch yildin kéyin tapshurup bergen 16 yashliq pelestinlik ösmür depne qilindi.

1628008
israiliye öltürgen we jesitini 3 yildin kéyin tapshurghan pelestinlik ösmür depne qilindi

türkiye awazi radiyosi xewiri: ghezzening rafah shehiride 2018-yili 29-mayda ötküzülgen tinch namayishlarda, israiliye eskerliri oqqa tutup shéhit qilghan  yüsüp ebu jezerning depne murasimi rafah shehiridiki bir jamide ötküzüldi.

depne murasimigha qatnashquchilar pelestin bayriqini kötürüshüp, «urush jinayetchisi» israiliyening sotqa tartilishi kérekliki heqqide chaqiriq élan qildi.

pelestinlik ösmürning jinazisi murasimdin kéyin sheher qebristanliqigha depne qilindi.

israiliye hökümiti pelestinlik ösmür yüsüp ebu jezerning jesitini 3 yildin béri alqinida tutup kelgen bolup, peyshenbe küni beyti xanundiki israiliye tekshürüsh ponkitida, jesetni ata - anisi ebu jezerge we mizan kishilik hoquq merkizining adwokatigha tapshurup bérishken idi.

mizan kishilik hoquq merkizining sanliq melumatlirigha asaslanghanda, ghezzening israiliye chégrasida 2018-yili 30-martta bashlanghan «büyük qaytish yürishi» namayishidin kéyin israiliye dairiliri 5 kichik balining jesitini qoshqanda, jemiy 22 pelestinlikning jesitini qayturmay saqlap kelmekte idi.

mizan kishilik hoquq merkizi bu pelestinliklerdin hazirghiche aran 3 kishining jesitining ailisige tapshurup bérilgenlikini élan qildi.



مۇناسىۋەتلىك خەۋەرلەر