пәләстинликләр исраилийәгә қарши намайиш өткүзди
миңлиған пәләстинлик ишғал астидики қуддустики мәсҗиди әқса сәйнасиға йиғилип, исраилийәниң рамизан ейи башланғандин буйан өзлиригә қилип келиватқан һуҗумлириға наразилиқ билдүрди.
1627440
түркийә авази радийоси хәвири: пәләстинликләр тәравиһ намизидин кейин исраилийә ишғалийити вә униң қуддуста йолға қойған сийасәтлиригә қарши наразилиқ намайиши өткүзди.
пәләстин байрақлирини көтүрүвелишқан намайишчилар, «қуддусқа милйонларчә шеһит сүпитидә баримиз» дәп шоарларни товлиди.
исраилийә сақчилири түнүгүн тәравиһ намизидин кейин ишғал қилинған шәрқий қуддуста пәләстинликләргә аваз бомбиси вә йуқири бесимлиқ су ишлитип мудахилә қилиши нәтиҗисидә 105 адәм йариланғаниди.
рамизан ейиниң башлиниши билән исраилийә сақчилири дәмәшқ дәрвазиси алдидики олтуруш орнини тосақлар билән тақивәткәниди.
исраилийә сақчилири, рамизанниң биринчи күнидин башлап, тәравиһ намизидин кейин дәмәшқ дәрвазиси алдидики бошлуқта олтуридиғанлиқини билдүрүп йиғилған пәләстинликләргә мудахилә қилишни давамлаштурмақта؛ пәләстинликләрму тәләплирини изчил оттуриға қойуп, наразилиқини ипадилимәктә.
مۇناسىۋەتلىك خەۋەرلەر
мисир ташқи ишлар министири түркийәдә зийарәттә болиду
мисир ташқи ишлар министири самиһ шүкри һәптә ахирида түркийәдә дөләт ишлири зийаритидә болиду.
