бейҗиң австралийәгә күчлүк наразилиқ билдүрди

бейҗиң австралийәниң «бир бәлбағ бир йол қурулуши» даирисидә, викторийә өлкилик һөкүмити билән хитай оттурисида имзаланған икки һәмкарлиқ келишимини бикар қиливетишигә наразилиқ билдүрди.

1626528
бейҗиң австралийәгә күчлүк наразилиқ билдүрди

түркийә авази радийоси хәвири: хитай ташқи ишлар министирлиқи байанатчиси ваң венбин, бейҗиң һөкүмити билән австралийәниң викторийә өлкиси оттурисидики икки һәмкарлиқ келишиминиң бикар қилинишидин кейин австралийәгә кәскин ибариләрни ишлитип инкас қайтурди.

ваң венбин, австралийәниң қарариға «аллиқачан упрап кәткән икки тәрәплик мунасивәтни техиму начарлаштуридиған <чекиниш>» дәп баһа бәрди.

хитай һөкүмитиниң техиму көп җаваб қайтуруш һоқуқини сақлап қалғанлиқини билдүргән байанатчи ваң венбин, австралийәни бу қарардин ваз кечишкә чақирди.

у,австралийәниң қарарини қайтурувалмаслиқиниң, хитайниң «күчлүк шәкилдә инкас қайтуруши»ға сәвәб болидиғанлиқини ейтти.

австралийәниң викторийә өлкилик һөкүмити, түнүгүн (2021-йили 21-апрел) хитайниң иран вә бәшшар әсәд һакимийити билән имзалиған икки келишиминиң австралийәниң дипломатийә сийаситигә тоғра кәлмәйдиғанлиқини, шундақла ташқи мунасивәткә зит икәнликини илгири сүрүп әмәлдин қалдурулғанлиқини уқтурғаниди.



مۇناسىۋەتلىك خەۋەرلەر