һиндонезийәдики кәлкүн вә тағ гүмүрүлүп чүшүш вәқәсидә 181 киши қаза қилди
һиндонезийәдә қаттиқ йамғур кәлтүрүп чиқарған кәлкүн вә тағ гүмүрүлүп чүшүш вәқәси сәвәбидин һайатидин айрилғанларниң сани 181 гә өрлиди.
түркийә авази радийоси хәвири: шәрқий нуса теңгара өлкисиниң муавин валийси җосеф на сой издәш вә қутқузуш хизмәтлиридә техиму көп җәсәт тепилғанлиқини ейтти.
җосеф на сой қаза қилғанларниң омумий саниниң 181 гә өрлигәнлини тәкитләп, из- дирики йоқ 48 кишини издәп қутқузуш хизмәтлириниң давамлишиватқанлиқини билдүрди.
шәрқий нуса теңгара өлкисигә қарашлиқ флорис, лембага вә алор қатарлиқ шәһәрләрдә 5-априлдин давамлишиватқан қаттиқ йамғур, кәлкүн вә тағ гүмүрүлүп чүшүш вәқәлиригә сәвәб болған иди.
кәлкүн вә тағ гүмүрүлүп чүшүш вәқәлиридин кейин, тәхминән 15 миң өй ишлитишкә болмайдиған һалға келип қалди.
екватор бәлбеғиға җайлашқан һиндонезийәдә болупму өктәбирдин апрелғичә болған мәзгилдә кәлкүн вә тағ гүмүрүлүп чүшүш вәқәлири көп йүз берип туриду.
