америкада сақчи зораванлиқи қайта күнтәртипкә кәлди

американиң чикаго шәһиридә сақчилардин қечиватқанда етип өлтүрүлгән адам толеда (Adam Toleda ) ниң видео көрүнүшлири америкада сақчи зораванлиқини қайта күнтәртипкә елип кәлди.

1622453
америкада сақчи зораванлиқи қайта күнтәртипкә кәлди

түркийә авази радийоси хәвири: чикаго шәһәр башлиқи лори лайтфут (Lightfoot) ахбарат елан қилиш йиғинида, 29-март (2021) йүз бәргән вәқәниң видео көрүнүшини көрсәтти.

видеода, сақчи қараңғу бир кочида «тохта» дегиничә қечиватқан бир балини қоғлайду, бала тохтиғандин кейин «қолуңни көтүр, уни йәргә ташла, йәргә ташла» дәп варқирайду. бала қолини көтүргинидә қорал авази билән йәрдә йатқанлиқи көрүниду.

вәқәниң чикагониң литтл вилиҗ (Little Village) мәһәллисидә йүз бәргәнлики вә етип өлтүрүлгән балиниң 13 йашлиқ адам толеда икәнлики билдүрүлди.

тәптиш идариси қорал авази аңланғандин кейин сақчиниң нәқ мәйданға барғанлиқи, толеданиң қолида қорал барлиқи вә қечишқа урунғанлиқини қәйт қилди.

толеда аилисиниң адвокати адена вейис ортиз (Adeena Weiss Ortiz) видеода, адам толеданиң «тохта, қолуңни көтүр» дегән буйруқиға бойсунуватқанда көксидин етип өлтүрүлгәнликини илгири сүрүлди.

толедани етип өлтүргән сақчиниң 34 йашлиқ ерик и. стилмән (Eric E. Stillman) икәнлики вә вәқәдин кейин 30 күн рухсәт алғанлиқи билдүрүлди.

толеда етип өлтүрүлгән видео көрситилгәндин кейин, таратқуларда зор наразилиқ қозғиди. чикаго шәһәр башлиқи лайтфут вәқә сәвәбидин пуқраларға «хатирҗәмлик вә тинчлиқ» чақирқи қилди.



مۇناسىۋەتلىك خەۋەرلەر