engliye afghanistandin esker chékindüridighanliqini uqturdi
engliye tashqi ishlar weziri dominik rab afghanistanda wezipe ötewatqan engliye eskerlirining tertiplik shekilde chékinip chiqishini qollaydighanliqini élan qildi.
1621722
türkiye awazi radiyosi xewiri: raab twittérdiki adrésida bayanat élan qilip, engliyening shimaliy atlantik okyan ehdi teshkilati – nato we afghanistan xelqining tinch kelgüsige ige muqim afghanistan qurup chiqish tirishchanliqini qollaydighanliqini bildürdi.
raab, afghanistandiki engliye eskerlirining tertiplik halda chékinip chiqishini qollaydighanliqini eskertti.
engliye dölet mudapie ministiri bén wallés yazma bayanat élan qilip, afghanistan xelqining tinch we muqim kelgüsige layiq ikenlikini tekitlidi.
wallés: «chékingendimu afghanistanda xizmet qiliwatqan xelqimning bixeterliki yenila aldinqi orundiki muhim ishimiz bolushni dawamlashturidu. ittipaqdash döletlerge qaritilghan hujumlargha küchlük inkas qayturulidighanliqi mesilisidiki meydanimiz éniq» dégenlerni qeyt qildi.
amérika qoshma ishtatlir pirézidénti jo baydin 1- may afghanistandin esker chékindürüshni bashlaydighanliqini we bu jeryanning 2021- yili 11- séntebirdin burun tamamlinidighanliqini élan qilghanidi.
nato bash katipi yéns stolténbérg, natoning dölet mudapie we tashqi ishlar ministirliri yighinidin kéyin élan qilghan bayanatida, natogha eza döletlerning 1- maydin bashlap afghanistandin chékinish toghrisida birdeklik hasil qilghanliqini bildürgenidi.
مۇناسىۋەتلىك خەۋەرلەر
yamayka pelestinni resmiy dölet süpitide étirap qilidighan boldi
yamayka pelestinni resmiy dölet süpitide étirap qilidighanliqini élan qildi.
