ayal padishahning yoldishi alemdin ötti

türkiye awazi radiyosi xewiri: engliye bukingham (Buckingham) sariyi ayal padishah 2-élizabitning yoldishi filipning alemdin ötkenliki toghrisida bayanat élan qildi.

bayanatta: «hörmetlik ayal padishah nahayiti yaxshi köridighan yoldishi édinburg kénezi filipning ölümini chongqur qayghu ichide uqturdi. hörmetlik filip windsor (Windsor) qeleside xatirjemlik ichide wapat boldi» déyildi.

filip 99 yashta idi. u 16-féwral (2021) salametliki tüpeylidin édward (Edward) doxturxanisigha yatquzulghan idi. u bir hepte dawalanghandin kéyin, doxturining tewsiyesi bilen her éhtimalgha qarshi dawamliq doxturxanida yétishni xalaydighanliqini bildürgen idi. u aridin uzun ötmey yürek késellikige munasiwetlik tekshürüsh we közitish üchün s t.barsoloméw (St. Bartholomew) doxturxanisigha yötkilip, u yerde yürek opératsiyesi qildurghan idi.

opératsiyening muweppeqiyetlik bolghanliqi élan qilinghan idi. filip doxturxanidin chiqqandin kéyin, axbaratlarda tarqalghan fotografliri jemiyette endishelerge seweb bolghan idi.

édinburg kénezi filip ikki doxturxanida jemiy 28 kün yatti. bu filipning hazirghiche doxturxanida yatqan eng köp waqti bolup qaldi.

u iyun éyida 100 yashqa kiretti.