birma namayishlirida jénidin ayrilghanlar 614 ke yetti

birmada herbiy özgirish we xelq teripidin saylanghan hökümet ezalirining tutulushigha qarshi ötküzülgen namayishlarda, xewpsizlik küchlirining basturushi netijiside jénidin ayrilghanlarning sani 614 ke chiqti.

1617947
birma namayishlirida jénidin ayrilghanlar 614 ke yetti

türkiye awazi radiyosi xewiri: siyasiy tutqunlargha yardem jemiyiti élan qilghan bayanatida, yéqinqi 24 saette xewpsizlik küchlirining namayishlarni qoralliq basturushi netijiside  16 kishining jénidin ayrilghanliqini we buning bilen jemiy jénidin ayrilghanlar sanining 614 ke chiqqanliqini, 2 ming 857 kishining tutulghanliqini bildürdi.

doklatta, 500 kishi üstidin tutush qararining barliqi eskertildi.

«Myanmar Now» we «The Irrawaddy» gézitliride bérilgen xewerlerde körsitilishiche, tünügün (2021-yili 8-aprél) sagaying ishtatigha qarashliq taze shehiride namayishchilar bilen birma armiyesi otturisida toqunush yüz bergen.

eskerlerning namayishchilargha rast oq étishigha qarshi, namayishchilar süniy usulda yasighan partlatquch we pichaqlar bilen eskerlerge hujum qilghan.

yüz bergen weqelerde, 11 namayishchi jénidin ayrilghan, eskerler arisida ölüm-yétimning bar-yoqluqi toghrisida melumat élan qilinmighan.

birma armiyesi 2020-yili 8-noyabir ötküzülgen saylamda saxtipezlik qilinghanliqi ilgiri sürülüp, dölette siyasiy jiddiylik yuqiri örligendin kéyin, 1-féwral (2021) hakimiyetni ötküzüwalghan idi.

birma xelqi 6-féwral (2021) démokratiyege qaytishni telep qilip namayish qilishni bashlighan idi.



مۇناسىۋەتلىك خەۋەرلەر