liwiye tashqi ishlar ministiri tunisni ziyaret qildi

türkiye awazi radiyosi xewiri: tunis pirézidéntliq mehkimisi pirézidént kays seidning liwiye tashqi ishlar ministiri nejla elmenkushni huzurida qobul qilghanliqi toghrisida bayanat élan qildi.

bayanatta, qobulda ikki dölet munasiwetliri we hemkarliq sahelirini tereqqiy qildurush mesililir muzakire qilindi.

tunis pirézidénti kays seid ikki döletning qiyinchiliqlarni yingishta qetiy iradige ikenlikini bildürüp: «liwiye bilen oxshash teqdirge we oxshash nishangha igimiz» dédi.

liwiye tashqi ishlar ministiri nejla elmenkush liwiye pirézidéntliq kéngishining bashliqi muhemmed yunus elmenfi we birleshme hökümitining bashliqi abdulhemid dibeybening, oxshimighan saheler boyiche özara hemkarliqlarni kücheytish üchün tunis bilen birlikte xizmet qilishni xalaydighanliqlirini bildürdi.

u liwiye kirizisida oynighan roligha minnetdarliq bildürüsh üchün tunji chet el ziyaritini tunistin bashlighanliqini eskertti.

tunis pirézidénti kays seid 2021-yili 17-mart liwiyeni ziyaret qilghan bolup, b d t bashchiliqidiki yéngi hökümet wezipisini bashlighandin kéyin ziyaretke kelgen tunji chet el pirézidénti bolghan idi.