донбаста бир украина әскири җенидин айрилди

түнүгүн украинаниң шәрқидики донбас районида бир украина әскири бөлгүнчиләр тәрипидин етилған оқ тегип қаза қилди.

1617306
донбаста бир украина әскири җенидин айрилди

түркийә авази радийоси хәвири: украина армийәси байанат берип, бөлгүнчиләрниң түнүгүн кечә бойи бәш қетим уруш тохтитишқа хилаплиқ қилғанлиқини, донбасниң пески вә водийанойе районлириға қилинған һуҗум җәрйанида бир украин әскириниң қаза қилғанлиқини уқтурди.

украина армийәси баш иштаб башлиқи руслан хомач 30- март парламентта қилған сөзидә, русийәниң маневирни баһанә қилип украина чеграсиға йеқин җайға әскәр әвәткәнликини оттуриға қойғаниди.

донбас районидики кризисни һәл қилиш тиришчанлиқлири даирисидә, русийә, украина вә йавропа бихәтәрлик вә һәмкарлиқ тәшкилатидин тәркиб тапқан үч тәрәп алақилишиш гурупписи, 2020- йили 27- ийулдин башлап омумйүзлүк уруш тохтитишни қарар қилғаниди.

бу райондики өз алдиға ​​мустәқиллиқини җакарлиған русийә тәрәпдари бөлгүнчиләр билән кийев һөкүмити оттурисидики 2014- йилдин буйан давамлишиватқан тоқунушларда 13 миңдин артуқ адәм һайатидин айрилди.



مۇناسىۋەتلىك خەۋەرلەر