biraziliyede wuxen wirusining 18 sheklining birleshmisidin peyda bolghan yéngi tür bayqaldi

türkiye awazi radiyosi xewiri: biraziliye «O Globo»  ning bir xewiride bildürülishiche, bélo xorizonté (Belo Horizonte) shehiridiki minas (Minas Gerais) uniwérstétining tetqiqatchiliri bilen réyodi zhanéro fédératsiye uniwérstéti tetqiqatchiliri, wuxen wirusining 18 özgergen sheklining birleshmisidin peyda bolghan yéngi türini bayqighan.

tetqiqatchilar mezkur yéngi türning xeterlik yoshurun küchige ige ikenlikini, ilgiri éniqlanmighan 18 türning ichide biraziliyening amazonas ishtatida körülgen P1, riyo di zhanéro da körülgenP2, engliyede körülgenB.1.1.7  we jenubiy afriqada körülgen B.1.1.351 türlirige oxshash alahidilikke ige türlerning bayqalghanliqini qeyt qildi.

minas uniwérstétining tetqiqatchisi rénato santana (Renato Santana) bayqalghan türning téximu téz tarqilidighanliqini yaki téximu xeterlik ikenlikini éytish üchün baldurluq qilidighanliqini eskertip: «biraziliyede ilgiri bayqalghan türler oxshash alahidiliklerge ige ikenlikini bilish muhim. démisimu yéngi alahidiliklerge ige» dédi.

u mezkur türning qachan we qeyerde otturigha chiqqanliqini bilish üchün tetqiq qilinishi kéreklikini qeyt qildi.

waba 2021-yili martta eng éghirlashqan biraziliyede, 7-aprél bir künde 4 mingdin artuq kishi jénidin ayrilghan idi.

biraziliyede bügüngiche 340 mingdin artuq kishining ölümige seweb bolghan wuxen wirusi, dölette 13.1 milyondin artuq kishide bayqaldi.