kim jongun dölitining qiyin ehwalda ikenlikini bildürdi

türkiye awazi radiyosi xewiri: shimaliy koréye xewer agéntliqi KCNA ning xewer qilishiche, kim jongun, dölitini bashquruwatqan ishchi partiyesining  «yer asti teeshkilatliri» » yighinida qilghan sözide, döletning «nurghun xirislargha duch kéliwatqanliqi» we «tarixta körülüp baqmighan qiyin ötkellerni bashtin kechürüwatqanliqi» ni eskertish bilen bir waqitta, partiyening asasiy qatlam teshkilatliri bolghan 5 din 30 giche bolghan ishchilar guruppilirining paaliyetlirige mesul yer asti teshkilatliridin, «bundaq müshkül sharaitta» xelqning turmush sewiyesini östürüshke töhpe qoshushini telep qilghan.

shimaliy koréye dairiliri dunya sehiye teshkilatigha dölette héch «kowid – 19» wirusi bilen yuqumlinish ehwalining körülmigenllikini bildürgenidi.

«kowid – 19» yuqumigha qarshi küresh «milliy mewjutluq mesilisi» dep qariliwatqan shimaliy koréye dairiliri, dunya sehiye teshkilatigha yollighan doklatida, dölet miqyasida héch kishining «kowid – 19» wirusi bilen yuqumlanmighanliqini jakarlighanidi.

dunya sehiye teshkilatining shimaliy koréyede turushluq wekili édwin salwador, 732 si 26 – marttin 1 – aprélghiche bolghan ariliqta, «kowid – 19» yuqumi otturigha chiqqandin buyan dölet miqyasida 23 ming 121 kishining tekshürülgenliki, tekshürüsh netijiside héchkimning «kowid – 19» wirusi bilen yuqumlanmighanliqining éniqlap chiqilghanliqini uqturdghanidi.

dölette «kowid – 19» wirusi bilen yuqumlanghan dégen guman bilen karantin astigha élinghan kishilerning sani toghruluq bolsa, dunya sehiye teshkilatigha melumat bérilmigenidi.

shimaliy koréye, tünügün tenheriketchilirini «kowid – 19» yuqumidin qoghdash üchün, tokyo olimpik tenheriket musabiqisige qatnashmaydighanliqini bildürgenidi.