америка хәлқи көчмәнләр мәсилисидә трампни әмәс, байдинни әйиблимәктә
америкада елип берилған бир рай синаш нәтиҗисидә, мексика чеграсидики көчмәнләрниң көпийип кетишигә қарита америка хәлқиниң сабиқ пирезидент доналд трампни әмәс, һазирқи пирезидент җо байдинни җавапкар дәп қарайдиғанлиқи оттуриға чиқти.
түркийә авази радийоси хәвири: «Hill-HarrisX» тәрипидин 24-вә 26-мартта елип берилған рай синашқа асасланғанда, қатнашқучиларниң %44 и америкиға өтүш үчүн мексика чеграсиға сәлдәк еқиватқан көчмәнләр мәсилисидә, пирезидент байдинниң җавабкарлиқи барлиқини билдүргән болса, қанташқучиларниң пәқәт %28 и сабиқ пирезидент трампниң җавабкарлиқи барлиқини оттуриға қойған.
өзлириниң җумһурийәтчиләр партийәсини қоллайдиғанлиқини билдүргән қатнашқучиларниң %73 и чеградики бу вәзийәткә қарита һазирқи һөкүмәтни «мәсилә йаратқан» дәп әйиплигән.
демократлар партийәсини қоллайдиғанлиқини билдүргән қатнашқучилардин %46 и трамп һөкүмитини әйиблигән.
буниңдин илгири елип берилған рай синашта, 30-сентәбиргичә мексика чеграсидин америкиға киридиған көчмәнләр саниниң 2 милйондин ешип кетиши мумкинлики вә бу санниң бир рекорт йаритидиғанлиқи тәкитләнгән иди.
