teywende 50 kishi qaza qilghan poyiz weqesini tekshürüsh bashlandi

türkiye awazi radiyosi xewiri: alaqidar mesullar poyiz tonélgha kirish aldida turghanda rélisning yénidiki taghqa toxtitip qoyulghan kiranning namelum seweb bilen rélisqa örülüp chüshkenlikini we kiranning igisining soraq -soal qilinghanliqini bildürdi.

xualyen rayonluq teptish mehkimisi weqege dair téxiche héchkishining eyiblenmigenlikini bildürdi.

teywen tömür yol idarisi teripidin élan qilinghan bayanatta, hadise yüz bergen jaydiki rémont xizmetliri sewebidin bezi poyiz qatnashlirida 15-20 minut kéchikish bolidighanliqi uqturuldi.

bu jeryanda, deslepte qaza qilghanlarning sanini 51 dep doklat qilghan mesullar bu sanni yéngilap,  qaza qilghanlar sanining 50 ikenlikini bildürdi.

döletlik metbuatlarning teywen qatnash ministirliqini menbe qilghan xewerlirige asaslanghanda,  texminen 350 yoluchi olturghan 8 wagonliq poyiz xualyen rayonigha kirish tonélida rélistin chiqip ketken bolup, poyizning 4-we 5-wagonliri éghir ziyangha uchrighan.  ot öchürush we izdep-qutquzush etretliri neq meydangha ewetilgen.

weqede 50 kishining hayatidin ayrilghanliqi we 178 kishining yarilanghanliqi éniqlandi.

teywen rehbiri tisay ingwin munasiwetlik ministirliqlar we organlarning weqege dair zörür bolghan tekshürüshlerni bashlishini telep qilghan idi.

bu weqe teywende yéqinqi 70 yil ichide yüz bergen eng éghir poyiz weqesi dep ruyxetke élindi.