amérika - méksika chégrasidiki köchmenler tiragédiyesi künséri éghirlashmaqta

türkiye awazi radiyosi xewiri: amérika – méksika chégrasidiki insaniy tiragédiye kündin- künge éghirlishiwatqan bir peytte, amérika dairiliri tarqatqan bir körünüsh adem etkeschilirining qanchilik rehimsiz ikenliki yene bir qétim ashkarilidi.

térmal kaméra bilen tartilghan foto - süretlerde, chégradiki tamgha yamiship chiqqan adem etkeschisining töt yérim métir égizliktin biri 3 yash, yene biri 5 yashliq ikki qizni amérika terepke tashlawatqan körünüshliri orun aldi.

ikki balining chégra charlash etriti teripidin qutquzuwélinghanliqi, gondurasliq 4 yashliq bir baliningmu rayonda yalghuz aylinip yürgenliki qeyt qilindi.

méksika, gonduras, salwador we gwatémaladin amérikagha köchüp kirmekchi bolghanlar adem etkeschilirige özi we balilirining her biri üchün 6000 dollar töleydu.