biraziliyede wirusning yéngi türi bayqaldi

biraziliyede «kowid – 19» yuqumining yéngi türi bayqaldi.

1612726
biraziliyede wirusning yéngi türi bayqaldi

türkiye awazi radiyosi xewiri: biraziliyening san pawlo ölkiside biyologiye tetqiqati bilen shughullinidighan butantan institutining mesuli dimas kowas, «kowid – 19» yuqumining jenubiy afriqa wariyantigha oxshash alahidilikke ige yéngi türini bayqighanliqlirini bildürdi.

wirus bayqalghan kishining, jenubiy afriqagha sayahet qilmighanliqini we u yerge sayahet qilghan héchkim bilen alaqe qilmighanliqini eskertken kowas, shu wejidin, «kowid – 19» yuqumining yéngi bayqalghan türining,  amazonas ölkisige qarashliq manaos shehiride otturigha chiqqan téximu yuqumluq halgha özgergen türi bolush éhtimalliqining barliqini qeyt qildi.

«kowid – 19» yuqumining yéngi türi bilen yuqumlanghan kishi bilen alaqe qilghanlar karantin astigha élindi, yéngi tür peqet bir kishidila bayqaldi.

texminen 700000 nopusi bar sorokaba shehiri, biraziliyede «kowid – 19» yuqumining eng köp tesirige uchrighan san pawlo ölkisining ichki qismigha jaylashqan bolup, omumiy nopusi 210 milyondin ashidighan biraziliye, amérika qoshma ishtatliridin qalsa, «kowid – 19» yuqumining tesirige eng köp uchrighan dölet hésablinidu.

igilinishiche, yéqinqi bir heptidin buyan dölette kündilik otturiche qaza qilghanlarning sani 2700 din, yuqumlanghuchilar sani bolsa 75 mingdin éship ketken.



مۇناسىۋەتلىك خەۋەرلەر